आरजी कर घटनाको विरोधमा सिलगढीमा १२ घण्टा बन्द

सिलगढी, अगस्त १६ (सिलगढी जर्नल) – आरजी कर मेडिकल कलेज र अस्पतालकी महिला डाक्टरको बलात्कार र हत्या घटनाको विरोधमा एसयूसीआईले आज १२ घण्टे बंगाल बन्दको आह्वान गरेको छ। बिहानैदेखि बन्द समर्थकहरू सिलगढीको सडकमा उत्रिएका छन्। आरजी कर अस्पतालमा भएको घटनाको विरोधस्वरूप बुधवार राति अस्पतालमा तोडफोड भएको थियो, जसका कारण आज १२ घण्टे बन्दको आह्वान गरिएको हो। बन्दका समर्थकहरूले शहरका विभिन्न स्थानहरूमा र्‍याली निकालेका छन् र व्यापारीहरूलाई पसलहरू बन्द गर्न आग्रह गरेका छन्। यद्यपि, शहरमा बन्दको मिश्रित असर देखिएको छ।