सिलगढी, अगस्त ०७ (सिलगढी जर्नल) – महिला थाना पुलिसले विवाहको प्रलोभन देखाएर शारीरिक सम्बन्ध बनाएको आरोपमा हिमांशु देव शर्मा नामक व्यक्तिलाई पक्राउ गरेको छ। ४३ वर्षीय हिमांशु सिलगढीको वार्ड नम्बर २२ का निवासी हुन् र पेशाले व्यवसायी हुन्। विधाननगरमा उनकै अनारको खेती छ।
प्राप्त जानकारी अनुसार, चार वर्षअघि मालबाजार निवासी एक विवाहित महिला सिलगढीमा आफ्ना आफन्तको घरमा आएकी थिइन्। त्यही समयमा हिमांशुसँग उनको परिचय भयो र प्रेम सम्बन्ध सुरु भयो। हिमांशुले विवाहको झुटो आश्वासन दिएर उक्त महिलासँग बारम्बार शारीरिक सम्बन्ध बनाए। यस क्रममा महिला गर्भवती भइन् र २०२१ मा बच्चा जन्माइन्।
पछि हिमांशुले उक्त महिलासँग टाढिन थाले। महिलाले आरोप लगाए अनुसार, हिमांशुले उनलाई पत्नीको दर्जा दिएनन् र बच्चालाई पनि स्वीकार गरेनन्। यस विषयमा महिलाले २०२४ को २८ जूनमा महिला थानामा उजुरी दर्ता गरिन्। उजुरीको आधारमा पुलिसले जाँच शुरू गर्यो। तर त्यो बेला आरोपी फरार थिए।
तथापि, पुलिसले जाँच जारी राख्दै मंगलबार राति गोप्य सूत्रबाट खबर पाएपछि अभियान चलाएर हिमांशुलाई तिनकै घरबाट पक्राउ गरेको बताइएको छ। आज आरोपीलाई सिलगढी महकुमा अदालतमा पेश गरियो। पुलिसले सम्पूर्ण मामिलाको जाँच गरिरहेको छ।
