भारतमा अवैध प्रवेशको आरोपमा नेपाल र आइवरी कोस्टका नागरिक पक्राउ

नक्सलबारी, जुलाई ३१ (सिलगढी जर्नल) – भारत-नेपाल सीमा क्षेत्रमा आइवरी कोस्टका एक नागरिक र एक नेपाली नागरिकलाई पक्राउ गरिएको छ। आइवरी कोस्टका डी लेकपाही सायरा र नेपालका अरुण लिम्बुलाई अवैध रूपमा सीमा पार गर्ने प्रयासमा पक्राउ गरिएको हो।

सूत्रका अनुसार, दुवै व्यक्ति मंगलबार नक्सलबारीको कोटियाजोमा मेची नदी हुँदै नेपालबाट भारत प्रवेश गर्न खोजिरहेका थिए। गोप्य सूचना पाएपछि एसएसबी जवानहरूले घटनास्थलमा पुगेर दुवैलाई हिरासतमा लिएका थिए।

जाँचपछी, दुवैलाई नक्सलबारी प्रहरीको जिम्मा लगाइएको छ। आइवरी कोस्टका नागरिक डी लेकपाही सायरा फुटबल खेल्नका लागि तीन वर्षदेखि नेपालमा बस्दै आएका थिए। पक्राउ परेका दुवैलाई सिलगढी महकुमा अदालतमा पेश गरिएको छ। पुलिसले यस मामिलाको पूर्ण जाँच गरिरहेको छ।